آخر الأخبار
هل "تضع الجزائر تحديات" أمام المؤسسات الامريكية الصغيرة والمتوسطةبقاعدة 49/51. بعد دعمه لأراضيها العربية في ألبومه الجديد..إسرائيل تمنع عُمر عبداللات من دخول فلسطين تعرف على رسالة " محمد صلاح " لـــ "اليسون بيكر" تعرّف على تشكيل الأهلي في ودية «الجونة» قيادة الرسول في المدينة التي تهوي إليها الأفئدة تبرع نادي “لايونز سوهاج” بوحدتي غسيل كلوي لمستشفي أخميم والمراغة بتكلفة 400 ألف جنيه الإمام الأكبر يتفقد أقدم مخطوطة للقرآن الكريم في العالم خلال لقائه بأعضاء المنتدى الإسلامي المسيحي البريطاني.. الإمام الأكبر: التحدي الذي يواجه رجال الدين يتمثل في ضرورة نشر قيم الأديان الحقيقية ندوة علمية بعنوان : ” تواضع العلماء ” مرصد الإفتاء : الأطفال يتصدرون قائمة العمليات الإرهابية لدى تنظيم داعش استهداف مصفاة نفط "أرامكو" من قبل جماعة الحوثي بطائرة بدون طيار. ننشر أسماء المرشحين لشغل وظيفة وكيل مديرية أوقاف سوهاج مباراة ودية لا تخلو من الندية ….شباب الرضوانية وشبان قنا وجهاً لوجه .. غدًا الخميس الاهلي يفوز علي تاون شيب بثلاثية 11 مليون جنيه دعم من بنك مصر لتطوير الرعاية الصحية بالمستشفي الجامعي بسوهاج
رئيس مجلس الإدارة عفاف رمضان
رئيس التحرير سيد بدري
المدير التنفيذي علي شقران
إشراف عام أسامه حسان

قصة كفاح.. مخترع الصعيد ودينامو الميكانيكا ومطالبتة الحكومة بالاهتمام بالمخترعين 

الثلاثاء 15 مايو 2018 - 11:38 AM |عدد مشاهدات :124
صورة ارشيفية
طباعة
متابعة:ممدوح السنبسي 

   انا محمد فتحى من الصعيد طالب فى الثانوية العامة شخص عادى جدا اتولدت فى٢١-٤-١٩٩٩ مجتمع ظروفة صعبة جدا.

   انا بسيط جدا وابويا بسيط جدا جدا ابويا مش وزيردولة دكتور ولا نائب ولا عمدة انا ابن راجل فقير لله راجل على قد حالة ربانى كويس انا واخواتى جدا مع انه ظروفه صعبة جدا ظروفه متسمحش انو يعلمنى فضل يكافح ويشتغل لحد ماقدر يوصلنى لمرحلة فى التعليم والحياء بقيت صعبة اكتر واخواتى ابويا كتر الف الف خيرة لو فضلت اوصف فية من هنا لحد ما اموت مش هو في الى عمله معاى المهم هو يشتغل وانا اشتغل واكافح لحد مبقيت فى الثانوية العامة .

   انا ابسط من اى حد وظروفى اصعب من معظم الناس احنا ٧ اخواتي انا اكبر واحد انا بشتغل فى اى شغل علشان اكمل تعليمى وتعليم اخواتى واساعد اهلى انا عمرى ١٩ سنة والحمد لله مفيش حد فى اخواتى فاشل فى تعليمه انا فى الثانويه واختى فى الثانويه العامه احنا بنشتغل علشان نصرف على نفسنا ربناادام لنا الصحة والحمد لله علشان نشتغل ونعمة العقل علشان نتعلم والحمد لله ربنا مدينا كتير والحمد لله ربنا مبيسبش حد احنا كانت بتيجى علينا.

   ايام مفيش اكل فى البيت نهائيا ولا اى حاجة كنا بنام من غير غداء عشان مفيش شغل مفيش فلوس مفيش اكل كنا بنحمد ربنا على الصحة والعقل ونعم ربنا والحمد لله طبعا الحمد لله اشتغلت بياع ونجار وحداد وسواق وكنت بشيل التراب والرمل على كتفي واشتغلت فى السيراميك والمحارة وكنت بعمل شاى للناس كنت بكنس فى الشوارع وانضف اشتغلت بفلوس قليلة جدا كنت بتظلم ومخدش حقى كامل كنت قبل منام اعيط من تعب الشغل واقول الحمد لله على نعمك يارب وانام وانا مظلمش حد.

   وكنت انام فرحان وانا مظلوم ومش واخد حقى اقول ربنا كريم وهيعوضنى على كل دة كانت الناس بتعطف على وتدينى الفلوس وانا من داخلي بتقطع وانا باخد الفلوس من الناس واقرب الناس من اهلى شتمتنى وحاربتنى وكانت تقلى انت فاشل زى ابوك انت هتطلع زى ابوك انت مش هتنفع زى ابوك بس هتفضل طول عمرك تشتغل عند الناس هتفضل طول عمرك صايع وملكش مبدا انا بشكر الناس دى علشان هم بكلامهم بدل مايهدونى بنونى من الاول بكلامهم خلونى بقيت حاجة وسط الناس وفى المجتمع  والحمد لله والشكر لله ربنا كرمنى بحجات كتير .

 مخترع الصعيد الاول ودينمو المكانيكا 

   حاصل على الاول على الادارة والاول على المحافظة والاول على جنوب الصعيد والاول على محافظات الصعيد من الجيزة الى اسوان والاول على الجمهوريه فى مسابقة انتل ايسف للعلوم والهندسة مصر 2017 اكبر مسابقة علوم وهندسة فى العالم .

   والرابع على الوطن العربي فى مسابقة تابعة للامارات والحمد لله قدرت احقق مراكز متقدمة هذا فضل ورضا الله على دخلت فى مسابقة معرض مصر للعلوم والهندسة ٢٠١٨ أخذت مركز اول هندسة ميكانيكا حاصل على درع الابداع والتميز لعام ٢٠١٨ عضو فى نقابة المخترعين المصرين وعضو فى مجلس علماء مصر (كرنية حصانة ) والحمد لله اسمى نزل فى جرائد اجنبية كتيير وجرائد واخبار مصرية بتنزل باسمى مقالات فى مصر وبرة مصر.

   جائتني هدايا من ملك الامارات الشقيقة ووصلتني عروض من روسيا بمبلغ 12مليون دولار وانجلترا وسويسرا 12 مليون دولار يعنى 200 مليون جنيه مصرى واتعرض على اعمل الشركة باسمى هناك هيكون لها 22 فرع فى انحاء العالم انا المدير التنفيذى والشريك الثالث فيها جائتني عروض من رجال اعمال فى مصر بس انا مش عاوز كدة انا عاوز اساعد اهلى ونفسي اعمل لبلدى حاجة العالم كلة يحلف بيها فى الاسواق العالميه.

   نفسي اساعد كل الناس . الحمد لله قدرت احقق جزء من احلامى وقدرت الحمد لله انفذ محركات تعمل بالماء واالهواء فقط دون وقود وعملت مولدات كهرباء ومحركات سيارات ومحركات كثير شغلتها بالماء والهواء فقط والحمد لله رب العالمين قدرت احقق كتير من الى نفسي فيه ونفس اهلى فيه الحمد لله على نعم ربنا .

الشكر اولا لربنا ثم ابويا وامى وامى الثانيه الأستاذة

هبة عبد العزيز واهلي وناسي دعمونى بالى قدرو عليه 

وانا الان بعطى مثل ما اخذت الاول .هذه قصتي

قصةكفاح ميعرفهاش الكثير بل عشتها انا ابن الحج فتحى

 

شارك

التعليقات